ٹوکیو: جاپان میں ایک مچھلی 13 لاکھ ڈالر میں فروخت ہو گئی ہے۔
جاپانی میڈیا کے مطابق اتوار کو ٹوکیو کی ایک مشہور فش مارکیٹ میں سال کی پہلی نیلامی کے دوران ایک بلیو فن ٹونا 207 ملین ین (1.3 ملین ڈالر) میں فروخت ہو گئی۔
276 کلو وزنی ٹونا مچھلی جاپان کی تاریخ کی دوسری مہنگی ترین مچھلی بن گئی ہے، یہ شمال مشرقی پریفیکچر اوموری میں اوما کے ساحل سے پکڑی گئی تھی۔
اس مچھلی کو ایک ہول سیلر کمپنی اور سوشی ریسٹورنٹ نے مشترکہ طور پر خریدا ہے، ٹونا کا گوشت روایتی جاپانی کھانے سوشی میں استعمال ہوتا ہے۔
دنیا کی معمر ترین خاتون انتقال کر گئیں
سب سے مہنگی ٹونا 2019 میں 31 لاکھ ڈالر میں نیلام ہوئی تھی۔ سوشی ریسٹورنٹ کے مالک شنجی ناگاو نے کہا کہ سال کا پہلا ٹونا اچھی قسمت لاتا ہے، اور ہم لوگوں کے چہروں پر کھانے کے ذریعے مسکراہٹ لانا چاہتے ہیں۔
ٹونا مچھلی پکڑنے والے ماہی گیر 73 سالہ ماساہیرو ٹیکوچی نے کہا کہ جب اس نے مچھلی کو دیکھا تو اسے یہ ایک گائے کی طرح موٹی دکھائی دی، اس نے کہا کہ یہ کارنامہ انجام دینے پر وہ ناقابل یقین حد تک خوش ہیں۔
