جاپان کے وزیر اعظم اور حکمراں جماعت لبرل ڈیمو کریٹک پارٹی کے صدر فومیو کشیدا نے پارٹی کی صدارت سے مستعفی ہونے کا اعلان کر دیا۔
بین الاقوامی خبر رساں ادارے کی رپورٹ کے مطابق جاپانی وزیرِ اعظم نے کہا کہ آئندہ انتخابات میں پارٹی کی صدارت کے لیے انتخاب نہیں لڑیں گے اور آئندہ ماہ (ستمبر میں) 3 سالہ مدت مکمل ہونے پر جماعت کی صدارت سے مستعفی ہوجائیں گے۔
رپورٹس کے مطابق جاپانی وزیر اعظم نے بڑھتے ہوئے سیاسی اسکینڈلز، ریکارڈ مہنگائی، دفاعی اخراجات میں اضافے کی وجہ سے لبرل ڈیمو کریٹک پارٹی (ایل ڈی پی) کی صدارت چھوڑنے کا اعلان کیا ہے۔
واضح رہے کہ جاپانی وزیر اعظم فومیو کشیدا نے دوسری جنگ عظیم کے بعد ملک کی سب سے بڑی افواج کی تشکیل دی، ان کے اس فیصلے کے بعد دنیا کی چوتھی سب سے بڑی معیشت کے نئے لیڈر کی تقرری آئندہ ماہ کی جائے گی۔
امریکا کی اسرائیل کو 20 ارب ڈالر کا اسلحہ فروخت کرنے کی منظوری
حکمراں جماعت لبرل ڈیمو کریٹک پارٹی کی صدارت کے لیے کسی خاتون کا انتخاب کیا جاتا ہے تو جاپان میں پہلی بار کسی خاتون کے وزیرِ اعظم منتخب ہونے کے امکانات روشن ہوجائیں گے۔
