The news is by your side.

پاکستان اور جاپان میں معاہدہ ، پاکستانی طلباء کیلئے اچھی خبر آگئی

اسلام آباد: جاپان اسکالرشپ پراجیکٹ کیلئے پاکستان کو 2.3 ملین ڈالر کی گرانٹ دے گا، جس کے تحت جاپانی یونیورسٹیز میں پاکستانیوں کو 2 سالہ ماسٹر ڈگری پروگرام کیلئے17 اسکالرشپس دی جائیں گی۔

تفصیلات کے مطابق جاپانی حکومت کی پاکستان کو313ملین ین کی امداد کیلئے دستخط کی تقریب ہوئی ، تقریب میں اقتصادی امور کے سیکرٹری اسد حیا الدین اور جاپانی ناظم الامور نےمعاہدے پر دستخط کئے۔

جائیکا نمائندے اور اقتصادی امورکے جوائنٹ سیکرٹری کے منصوبے پر عملدرآمد کے معاہدے پر دستخط ہوئے ،جس کے تحت جاپانی یونیورسٹیز میں پاکستانیوں کو 2 سالہ ماسٹر ڈگری پروگرام کیلئے17 اسکالرشپس دی جائیں گی۔

،ڈاکٹریٹ پروگرام کے لئے3 سالہ ایک اسکالرشپ فراہم کئے جائیں گے، پاکستان میں 2018 میں متعارف پروگرام سے اب تک 4بیج اسکالرشپ سے مستفید ہوچکے ہیں۔

منصوبے کا بنیادی مقصد حکومت پاکستان کی انتظامی استعداد کو مضبوط کرنا ہے ، وزارت قتصادی امور کے سیکرٹری نے جاپانی حکومت اور عوام کے تعاون پر تعریف کی۔

Comments

یہ بھی پڑھیں