تازہ ترین

جاپان : لاپتہ کشتی حادثہ میں10 افراد کی ہلاکت کی تصدیق

ٹوکیو : جاپان کوسٹ گارڈ (جے سی جی) نے ہفتے کے روز شمالی جاپان کے مشرقی ہوکائیڈو میں ایک سیاحتی کشتی کے کل 26 مسافروں اور عملہ کے ساتھ لاپتہ ہونے کے بعد 10 افراد کے ہلاک ہونے کی تصدیق کی ہے۔

غیر ملکی خبر رساں ادارے کی رپورٹ کے مطابق کاجو نامی سیاحتی کشتی کے بارے میں بتایا گیا ہے کہ ہفتے کی دوپہر مشرقی ہوکائیڈو میں شیریٹکو جزیرہ نما کے نزدیک تفریحی مقامات کے سفر کے دوران اس کشتی کے پانی میں ڈوبنے کی اطلاع ملی اور پھر یہ لاپتہ ہو گئی۔

boat Japan

کشتی میں عملے کے دو ارکان کے ساتھ 24 مسافر سوار تھے جن میں دو بچے بھی شامل تھے۔ جاں بحق ہونے والوں میں سات مرد اور تین خواتین شامل ہیں۔

کوسٹ گارڈ فورسز کے مطابق مقامی وقت کے مطابق دوپہر قریب ایک بج کر 15 منٹ پر حادثہ کی اطلاع ملی اور گشتی کشتیوں کو مقامی وقت کے مطابق شام 5:30 بجے کے قریب امدادی کام کے لیے جائے وقوعہ کی جانب روانہ کیا گیا۔

rescue japanese boat

ذرائع کے مطابق اس سائز کی کشتی میں عام طور پر لائف بوٹس نہیں ہوتیں، اور مسافر ڈوبتے ہوئے جہاز سے باہر کودنے کے قابل نہیں ہو سکتے تھے کیونکہ امکان ہے کہ اس کی کھڑکیاں انہیں تیز ہواؤں سے بچانے کے لیے بند کر دی گئی ہوں گی۔

Comments

- Advertisement -