سرگودھا: پاکستانی نوجوان کی محبت میں گرفتار 50 سالہ جاپانی خاتون اپنی بیٹی کے ہمراہ شادی کے لیے پاکستان پہنچ گئیں۔
ذرائع ابلاغ کے مطابق جاپانی خاتون حیاسا سائکا اور سرگودھا کے 32 سالہ رضوان تین سال تک فیس بک پر ایک دوسرے سے رابطے میں رہے۔
حیاسا سائکا کی یہ چوتھی شادی ہے۔ جاپانی خاتون نے اپنی کمسن بیٹی کے ساتھ اسلام قبول کیا اور اس کے بعد رضوان سے شادی کرلی۔
شادی کے لیے گھر میں سادہ سی تقریب کا انعقاد کیا گیا جس میں صرف قریبی رشتہ داروں نے شرکت کی۔
خیال رہے کہ یہ پہلا موقع نہیں کہ کوئی غیر ملکی لڑکی یا خاتون پاکستان نوجوان کے لیے یہاں آئی ہو۔ اس سے قبل 2018 میں امریکی خاتون پاکستانی لڑکے سے شادی کے لیے سیالکوٹ پہنچی تھی۔
سیالکوٹ کے رہائشی 21 سالہ کاشف کی امریکا کی 41 سالہ خاتون ہلینا سے سوشل میڈیا کے ذریعے دوستی ہوئی تھی جو بعد میں محبت میں بدل گئی۔
شادی کی تقریب میں دولہے کے والدین سمیت عزیز و اقارب نے شرکت کی تھی جب کہ امریکی خاتون نے شادی سے قبل باقاعدہ اسلام قبول کیا گیا تھا۔