The news is by your side.

Advertisement

کرونا وبا: جاپان کا ریستورانوں سے متعلق اہم اعلان

ٹوکیو: جاپان نے کرونا پابندیوں میں مزید نرمی کا فیصلہ کیا ہے۔

میڈیا رپورٹ کے مطابق ٹوکیو کی مقامی حکومت، کھانے پینے کے ان مقامات پر کورونا سے متعلقہ تمام پابندیاں ختم کرنے کی منصوبہ بندی کررہی ہے، جن میں کرونا وائرس کے سدباب کے اقدامات کی تصدیق کرلی گئی ہے۔

ٹوکیو میں کووِڈ نائنٹین سے متعلقہ ہنگامی حالت ستمبر کے آخر میں ختم ہوچکی ہے،ٹوکیو کی بلدیاتی حکومت نے اس کے بعد وائرس کے دوبارہ تیزی سے پھیلاؤ کو روکنے کے لیے ایک مدت مقرر کی تھی۔

یہ بھی پڑھیں: جاپان کا 10 ملین کورونا ویکسین دینے کا اعلان

اتوار کے روز ختم ہونے والی اس مدت کے دوران وائرس کی روک تھام کے اقدامات کی تصدیق کے بعد ریستورانوں سے کہا گیا تھا کہ وہ رات آٹھ بجے کے بعد گاہکوں کو شراب پیش نہ کریں اور رات نو بجے تک ریستوران بند کر دیں۔

اب ٹوکیو حکومت کا منصوبہ ہے کہ پیر سے ان پر عائد پابندیاں اٹھا لی جائیں اور انہیں آزادانہ طور پر کام کرنے کی اجازت دی جائے، مقامی حکومت غیر تصدیق شدہ ریستورانوں پر دوبارہ پابندیاں عائد کرنے پر بھی غور کررہی ہے۔

یہ فیصلہ اس تناظر میں کیا گیا ہے کہ دارالحکومت ٹوکیو میں کرونا وائرس کے یومیہ نئے متاثرین کی تعداد میں مسلسل کمی آ رہی ہے، ٹوکیو کی مقامی حکومت نے منگل کے روز پچاس سے کم کیسز رپورٹ ہوئے۔

Comments

یہ بھی پڑھیں