ٹوکیو: جاپان نے افرادی قوت کی قلت پر قابو انوکھا طریقہ اختیار کرتے ہوئے دنیا کو حیران کرڈالا۔
غیر ملکی میڈیا رپورٹ کے مطابق جاپان کی معروف کمپنی ہٹاچی ایک ایسا ایکسکویٹر تیار کررہی ہے جسے کھدائی کے دوران آپریٹر کی ضرورت ہی نہیں ہوگی۔
یہ خود کار انداز میں کام کرنے والی مشین جائے مقام پر زمین کی مٹی اور دیگر حالات کا جائزہ لینے اور کھدائی کے لیے اپنی جگہ طے کرنے کے لئے سینسرز کا استعمال کرے گی۔
کمپنی کے مطابق یہ ایکسکویٹر ابھی تیاری کے مراحل میں ہے، جسے آئندہ چند سالوں میں عملی طور پر استعمال کرنا شروع کردیا جائے گا۔
یہ جدید ایکسکویٹر ہٹاچی کنسٹرکشن مشینری کی حریف کمپنی کوماتسُو کے مقابل بنایا گیا ہے جس نے بھاری مشینری کو چلانے کے لئے ایک مربوط نظام تشکیل دیا تھا۔
اس نظام کی خاصیت یہ تھی کہ ہائیڈرالک ایکسکویٹر کو دور بیٹھ کر آپریٹ کیا جاسکتا ہے،آپریٹ کرنے والی جگہ کو طیارے کے کاک پٹ کے طرز بنایا گیا تھا، جس میں سامنے سات مختلف اسکرینیں نصب تھی جو کہ کھدائی کے کاموں کو مختلف زاویوں سے دکھاتی تھی۔
واضح رہے کہ آبادی میں کمی اور معمر افراد کا تناسب بڑھنے سے تعمیراتی شعبے سمیت جاپانی صنعتیں افرادی قوت کی قلت کا شکار ہیں۔
حکومتی اعداد و شمار کے مطابق تعمیراتی شعبے میں کارکنان کی ایک تہائی تعداد سے زائد کی عمر کم سے کم 55 سال ہے۔
