راولپنڈی: افغانستان کے لیے جاپان کے خصوصی ایلچی نے آرمی چیف سے جی ایچ کیو میں ملاقات کی اور باہمی دلچسپی سے متعلق امور پر گفت و شنید کی۔
آئی ایس پی آر کے ترجمان مطابق جاپان سے اقوام متحدہ کے سیکریٹری جنرل باکی مون کے خصوصی ایلچی برائے افغانستان نے آج جنرل ہیڈ کوارٹرز راولپنڈی میں آرمی چیف جنرل راحیل شریف سے ملاقات کی ہے۔
اقوام متحدہ کے سیکریٹری جنرل کی جانب سے نامزد کیے گئے جاپان کے افغانستان کے لیے خصوصی ایلچی نے آرمی چیف سے ملاقات میں افغانستان میں امن اور استحکام اور علاقائی سیکیورٹی پر بات چیت کی جب کہ باہمی دلچسپی کے امور بھی زیر غور آئے۔
خصوصی ایلچی برائے افغانستان نے دہشت گردی کے خلاف جنگ میں پاک فوج کے کردار کو سراہتے ہوئے پاک فوج کی پیشہ ورانہ مہارت اور جرات و بہادری کی تعریف کی۔
ملاقات میں چار ممالک کے رابطہ گروپ برائے امن کی کارکردگی کا بھی جائزہ لیا گیا اور امن و امان کے قیام اور استحکام کے لیے باہمہ رابطے اور تعاون کی ضرورت پر اتفاق کیا گیا۔
انہوں خطے میں قیام امن کے لیے پاکستان کے متحرک کردارکو سراہا اورپڑوسیوں کے ساتھ دوستانہ تعلقات کی پاکستانی خواہش کو احسن اقدام قراردیا۔
