جڑانوالہ : ماں نے گھریلو جھگڑے کے بعد مبینہ طور پر بچیوں کو زہر دے کر خودکشی کرلی، خاتون کے لواحقین نے سسرالیوں پر قتل کا الزام لگا دیا، پولیس نے شوہر کو حراست میں لے لیا۔
تفصیلات کے مطابق جڑانوالہ کی رہائشی ریما نے اپنے شوہر فرحان سے گھریلو جھگڑے کے بعد طیش میں آکر مبینہ طور پر اپنی دو بچیوں کو زہریلی دوا پلا کر خود بھی اپنی زندگی کا خاتمہ کرلیا۔
بچیوں کی عمریں ایک اور تین سال ہیں، جہاں پہلے رونق تھی آج وہاں صف ماتم بچھی ہے۔ زہر خورانی سے ماں اور دو بچیوں کی ہلاکت معمہ بن گئی۔
پولیس نے ابتدائی تفتیش میں واقعہ کو خودکشی قرار دیا لیکن لواحقین نے سسرالیوں پر قتل کا الزام لگادیا، خاتون ریما اور ایک سالہ حرم فاطمہ اور تین سالہ ورشہ کی لاشیں پوسٹ مارٹم کے بعد ورثاء کے حوالے کردی گئیں۔
مزید پڑھیں: طالب علم نے ٹیچر سے عشق میں ناکامی پر خود کشی کر لی
بعد ازاں ماں بیٹیوں کو آبائی قبرستان میں سپردخاک کیاگیا۔ پولیس نے خالہ کی درخواست پر خاتون کے سسرالیوں کیخلاف کارروائی کرتے ہوئے خاتون کے شوہر کو گرفتار کرکے مزید تفتیش شروع کردی ہے۔
مزید پڑھیں: پسندکی شادی نہ ہونے پر لڑکا لڑکی کی خود کشی
ریما کی چار سال قبل فرحان سے شادی ہوئی تھی۔