اوول: بھارتی ٹیم کے فین جاروو کی ایک بار پھر ٹیسٹ میچ کے دوران میں میں انٹری کی ویڈیو وائرل ہوگئی۔
تفصیلات کے مطابق اوول میں بھارت اور انگلینڈ کے درمیان چوتھے ٹیسٹ میچ کے دوسرے روز بھارتی ٹیم کے انگلش مداح ایک بار پھر میدان میں داخل ہوگئے جس کی ویڈیو منظرعام پر آگئی۔
ویڈیو میں دیکھا جاسکتا ہے کہ جاروو اس مرتبہ فاسٹ بولر بن کر میدان میں آئے اور رن اپ سے بھاگتے ہوئے نان اسٹرائیکر اینڈ پر کھڑے جونی بریسٹو سے ٹکرا گئے۔
جاروو ٹیسٹ کے دوسرے روز بھارتی ٹیم کے بولر کے طور پر آئے اور گیند بھی کروادی۔
واضح رہے کہ اس سے پہلے جارو لارڈز اور ہیڈنگلنے ٹیسٹ میچ میں بھی میدان میں آچکے ہیں، لارڈز میں جاروو فیلڈر بن کر آئے جبکہ ہیڈنگلے میں روہت شرما کے آؤٹ ہوتے ہی وہ بیٹنگ کے لیے میدان میں آگئے تھے۔
Jarvo again!!! Wants to bowl this time 😂😂#jarvo69 #jarvo #ENGvIND #IndvsEng pic.twitter.com/wXcc5hOG9f
— Raghav Padia (@raghav_padia) September 3, 2021
یاد رہے کہ جاروو کو حفاظتی اقدامات کی خلاف ورزی پر ہیڈنگلے کے میدان میں داخلے پر تاحیات پابندی اور بھاری مالی جرمانہ بھی عائد کیا گیا تھا۔
جاروو کو دی جانے والی سزا کی تصدیق یارکشائر کرکٹ کلب کے ترجمان نے بھی کردی تھی۔
