12ربیع الاول کے مبارک دن کا آغاز صوبائی دارالحکومت لاہور میں 21 توپوں کی سلامی سے ہوا۔
ملک بھر میں رحمت اللعالمین، خاتم النبین رسول کریمﷺ کی ولادت باسعادت کا جشن جوش و خروش سے منایا جارہا ہے، عاشقانِ رسول نے گھروں اور گلیوں کو برقی قمقموں سے سجادیا۔
وفاقی دارالحکومت میں 31 اور چاروں صوبائی دارالحکومتوں میں اکیس اکیس توپوں کی سلامی سے دن کا آغاز ہوا، اس سلسلے میں نکالنے جانے والے جلوسوں کے حوالے سے سخت سیکیورٹی انتظامات کیے گئے ہیں۔
- Advertisement -
صوبہ سندھ میں سیکیورٹی کو یقینی بنانے کے لیے سندھ حکومت نے صوبے بھر میں ڈبل سواری پر پابندی کا اعلان کیا ہے۔
اسلام آباد میں 2ہزار سے زائد پولیس اہلکار مرکزی جلوس کے ساتھ ساتھ دارالحکومت میں نکلنے والے دیگر جلوسوں کی سیکیورٹی کے فرائض انجام دیں گے۔