بھارتی ٹیم کے مایہ ناز فاسٹ بولر جسپریت بمراہ کمر کی تکلیف کے باعث چیمپئنز ٹرافی سے باہر ہوگئے۔
بھارت کے فاسٹ بولر جسپریت بمراہ آئی سی سی چیمپئنز ٹرافی سے باہر ہوگئے ان کی جگہ ہرشیت رانا کا پندرہ رکنی اسکواڈ کا حصہ بنایا گیا ہے۔
بی سی سی آئی نے یشسوی جیسوال کی ایک اور اسپنر ورون چکرورتی کو اسکواڈ میں شامل کیا ہے۔
واضح رہےکہ آسٹریلیا کے حالیہ دورے کے اختتام پر بمراہ کو کمر کے درد کا سامنا کرنا پڑا تھا، جس کی وجہ سے وہ سڈنی میں پانچویں ٹیسٹ کی دوسری اننگز میں بولنگ نہیں کر سکے تھے۔
بارڈرگواسکر ٹرافی کے دوران بمراہ نے 5 ٹیسٹ میچوں میں 32 وکٹوں کے ساتھ سب سے کامیاب بولر رہے تھے۔
بمراہ انگلینڈ سے ہونے والی ون ڈے سیریز کے اسکواڈ میں شامل ہیں تاہم انہوں نےکوئی میچ نہیں کھیلا جب کہ وہ چیمپئنز ٹرافی کے عارضی 15 رکنی اسکواڈ میں بھی شامل تھے۔
