site
stats
پاکستان

جعلی اکاؤنٹس کھولے ، وزیر اعظم کےدوست جاوید کیانی کا اعتراف

اسلام آباد : وزیر اعظم کے دوست جاوید کیانی نے اعتراف کیا ہے کہ وہ جعلسازی میں معاون رہے، جا وید کیانی نے جے آئی ٹی کو بتایا کہ رقم کی غیر قانونی منتقلی نواز خاندان کے کاروباری فائدہ کیلئے کی گئی۔

تفصیلات کے مطابق اپنے ہی گراتے ہیں نشیمن پر بجلیاں، ایسا ہی جے آئی ٹی رپورٹ میں ہوا، جب نواز خاندان اور کاروبار سے منسلک ایک اہم شخص نے قبول کیا کہ جی ہاں میں نے جعلسازی کی، جعلی اکاونٹس کھولے، قرضے حاصل کئے اور لاکھوں ڈالر کی غیر قانونی منتقلی بھی کی۔

جے آئی ٹی کے مطابق جاوید کیانی نے اعتراف کیا کہ یہ جعلی اکاؤنٹس 1999 میں کھولے اور چورانوے تک آپریٹ ہوئے، یہ وہی وقت ہے، جس دوران لندن میں فلیٹس خریدے گئے۔

جاوید کیانی کا کہنا تھا کہ اکاونٹس سرمایے کی نقل و حمل کیلئے استعمال ہوئے، ان اکاؤنٹس سے لاکھوں ڈالرادھر اُدھر کئے گئے، تاہم اس سرمائے کے زرائع کیا ہیں جاوید کیانی کو معلوم نہیں۔

جاوید کیانی نے بتایا کہ یہ اکاونٹس انہوں نے اپنے ماموں اور نواز شریف کے خاص الخاص دوست شیخ سعید کے کہنے پر کھولے۔

خیال رہے کہ نواز شریف اپنے بیان میں شیخ سعید سےوابستگی کی تصدیق بھی کر چکے ہیں۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top