کرکٹ لیجنڈ جاوید میانداد کا کہنا ہے کہ پاکستان میں کرکٹ کے ساتھ جو ہوتا ہے دنیا بھر میں ایسا کہیں بھی نہیں ہوتا۔
پاکستان کے لیے 34 ٹیسٹ میچز قیادت کے فرائض انجام دینے والے سابق کپتان نے ذرائع ابلاغ سے گفتگو کرتے ہوئے کہا کہ اس کھیل کے فروغ کےلیے کام کرنا ہوگا، کرکٹ میں کہیں بھی ایسا نہیں ہوتا جیسا پاکستان میں ہوتا ہے۔
انھوں نے کہا کہ سندھ کے کرکٹرز کو ایس پی ایل سے فائدہ ہوگا، سندھ پریمیئر لیگ اس صوبے کے ٹیلنٹ کو فروغ دینے کا ذریعہ بنے گی۔
جاوید میانداد نے کہا کہ پاکستان کا وزیراعظم جو بھی بنے اسے ملک اور کرکٹ کی ترقی کیلئے کام کرنا چاہیے۔ پاکستان میں جس کی حکومت ہوتی ہے بورڈ میں وہ اپنے بندے لے کر آتا ہے۔
ملک کو ترقی کی جانب کون گامزن کرسکتا ہے؟ اس سوال کے جواب میں سابق کپتان نے اپنا نام پیش کرتے ہوئیے کہا کہ میں سب ٹھیک کرنے کی صلاحیت رکھتا ہوں۔
