پاکستانی ڈرامہ اور فلم انڈسٹری کے سینئر اداکارو پروڈیوسر جاوید شیخ نے انکشاف کیا ہے کہ ماضی میں بھارتی اداکار عمران ہاشمی نے ان کے ساتھ نامناسب رویہ اختیار کیا، جس پر انہوں نے عمران ہاشمی کو ان کی اوقات دلادی تھی۔
سینئر اداکار جاوید شیخ نجی چینل کے پروگرام میں شریک ہوئے جہاں انہوں نے اپنے ساتھ پیش آئے دلچسپ واقعے کا ذکر کیا، میزبان نے ان سے سوال کیا کہ عمران ہاشمی کے ساتھ کام کرنے کا تجربہ کیسا رہا؟
جس پر اُنہوں نے انکشاف کیا کہ عمران ہاشمی نے ان کے ساتھ پہلی ملاقات کے دوران نامناسب رویہ اختیار کیا، جس پر انہیں دکھ ہونے کے ساتھ ساتھ شدید غصہ آیا۔
انہوں نے کہا کہ ہم ایک شوٹنگ کے سلسلے میں جنوبی افریقہ کے شہر کیپ ٹاؤن گئے تھے، جہاں عمران بھی پہنچے اور انہیں معلوم نہیں تھا کہ ان کے ساتھ اور کس کس کو فلم میں کاسٹ کیا گیا ہے۔
شوٹنگ شروع ہونے سے چند لمحوں قبل ہدایت کار نے انہیں اور عمران ہاشمی کی ملاقات کرواتے ہوئے ایک دوسرے سے تعارف کرایا اور اس دوران انہوں نے بھارتی اداکار سے ملانے کے لیے اپنا ہاتھ آگے بڑھایا۔
عمران ہاشمی نے ان کے ہاتھ بڑھانے پر نامناسب رویہ اختیار کیا اور منہ دوسری طرف پھیر کر بے دلی سے ان سے ہاتھ ملا کر وہاں سے روانہ ہوگئے، جس پر انہیں شدید غصہ آیا۔
شیخ صاحب نے کہا کہ انہوں نے عمران کی اس حرکت کو نوٹ کیا، پھر ان کے ساتھ شوٹنگ سیٹ پر رہتے ہوئے بھی 15 دن تک بات نہیں کی، جس کے بعد عمران ہاشمی کے ہوش ٹھکانے آگئے اور خود بات کرنا شروع کردی۔
اکشے کمار نے 2 کروڑ کا اپارٹمنٹ کتنے میں فروخت کردیا؟
اُنہوں نے کہا کہ شوٹنگ کے دوران ریہرسل کرنے کے وقت وہ عمران کے پاس نہیں گئے بلکہ ہدایت کار انہیں ان کے پاس لے کر پہنچے۔
شیخ صاحب نے کہا کہ انہوں نے عمران کی بدتمیزی کا جواب سنجیدگی سے دیا اور پھر ان کے درمیان بات چیت کا آغاز ہوگیا اور گلے شکوے دور ہوئے۔
