پاکستان شوبز انڈسٹری کی معروف میزبان و اداکارہ جویریہ سعود نے حجاب میں تصاویر شیئر کرنے کے ساتھ نئے سفر کے آغاز کا اعلان کردیا۔
فوٹو اینڈ شیئرنگ ایپ انسٹاگرام پر اداکارہ جویریہ سعود نے حجاب پہنے مختلف تصاویر شیئر کی ہے جسے دیکھ کر سوشل میڈیا صارفین کشمکش میں مبتلا ہوگئے۔
View this post on Instagram
تصاویر میں اداکارہ کو اولیو گرین عبائے اور سنہرے حجاب میں دیکھا جاسکتا ہے تصاویر میں جویریہ سعود بھرپور میک اپ میں نظر آ رہی ہیں۔
اداکارہ نے پوسٹ شیئر کرتے ہوئے کیپشن میں لکھا ’بسم اللّٰہ، ایک نئے سفر کا آغاز ہوگیا ہے اور میں پُرجوش ہوں کہ یہ مجھے کہاں لے جائے گا، خدا کرے کہ یہ راستہ میرے لیے ترقی، سیکھنے کا موقع، کامیابی اور خوشیاں لائے۔ آمین۔‘
جویریہ سعود کی جانب سے شیئر کی گئی تصاویر نے سوشل میڈیا صارفین کو کشمکش میں مبتلا کر دیا جس کا اظہار صارفین نے ان کی پوسٹ پر تبصرہ کرتے ہوئے کیا ہے۔
View this post on Instagram
تاہم اداکارہ نے ایک اور پوسٹ شیئر کرکے صارفین کی مشکلات حل کر دی اور نئے انداز کی وضاحت بھی دے دی۔
جویریہ سعود نے اپنے مداحوں اور دوستوں کو مخاطب کرتے ہوئے بتایا کہ میرا بدلا ہوا یہ انداز میرے آنے والے نئے ڈرامے کے لیے ہے۔
