پاکستانی شوبز انڈسٹری کی حسین اداکارہ و ماڈل جویریہ سعود نے اپنی ماضی کی حسین تصاویر شیئر کردی۔
فوٹو اینڈ شیئرنگ ایپ انسٹاگرام پر اداکارہ جویرہ سعود نے اپنی جوانی کی چند تصاویر شیئر کی ہے جس میں انہوں نے ماضی کے سنہرے دور کی تصاویر شیئر کرنے پر اپنی دوست کا شکریہ بھی ادا کیا ہے۔
اداکارہ کی جانب سے شیئر کی جانے والی پوسٹ میں یہ دیکھا جا سکتا ہے کہ جویریہ سعود کی یہ تمام تصویر ڈائجسٹ کے سرورق پر موجود ہیں جو کہ ماضی میں کسی بھی اداکارہ کیلئے بہت بڑی کامیابی سمجھی جاتی تھی۔
View this post on Instagram
واضح رہے کہ اداکارہ جویریہ سعود 1993 میں بطور نعت خواں ٹی وی پر دکھائی دیں اس کے بعد سن 1995 میں انہوں نے اداکاری کے میدان میں قدم رکھ دیا۔
انہوں نے ٹیپو سلطان، دی ٹائیگر لارڈ، منزلیں، پیا کا گھر پیارا لگے، کالی آنکھیں، ماں ، تھوڑی خوشی تھوڑا غم جیسے کئی ایک ان گنت ڈراموں میں اداکاری کے جوہر دکھائے۔
View this post on Instagram
اس کے علاوہ اے آر وائی ڈیجیٹل کے ڈرامہ سیریل ’بے بی باجی‘ میں جویریہ سعود نے ’عذرا‘ کا کردار ادا کیا تھا دیگر اداکاروں میں سعود قاسمی، حسن احمد، سنیتا مارشل، طوبیٰ انور، جنید جمشید نیازی، فائزہ خان، فضل حسین، عینا آصف، منور سعید، ثمینہ احمد ودیگر شامل ہیں۔
بے بی باجی کی ہدایت کاری کے فرائض تحسین خان نے انجام دیے ہیں جبکہ اس کی کہانی منصور احمد خان نے لکھی ہے۔
