بھارتی کرکٹ ٹیم کی ٹی ٹوئنٹی ورلڈ کپ میں شاندار فتح کے بعد (بی سی سی آئی) کے سیکریٹری جے شاہ نے ٹیم پر نوٹوں کی برسات کردی۔
جے شاہ نے سماجی رابطے کی ویب سائٹ پر جاری بیان میں بھارتی ٹیم کیلیے 125 کروڑ روپے مالیت کے انعام کا اعلان کردیا۔
بھارتی کرکٹ بورڈ (بی سی سی آئی) کے سیکریٹری جے شاہ کا کہنا تھا کہ بھارتی ٹیم نے غیر معمولی ٹیلنٹ، اسپورٹس مین شپ اور جذبے کا مظاہرہ کیا ہے۔
انہوں نے مزید کہا کہ تمام کھلاڑیوں کوچز اور سپورٹنگ اسٹاف کو غیر معمولی کارنامے پر مبارکباد دیتا ہوں۔
دوسری جانب بھارتی آل راؤنڈر ہاردک پانڈیا کو روہت شرما کے جانے کے بعد ٹی ٹوئنٹی کرکٹ ٹیم کے آئندہ کپتان کے طور پر دیکھا جارہا ہے۔
برج ٹاؤن میں ٹی ٹوئنٹی عالمی کپ کے فائنل میں بھارت کی سات رنز سے جیت کے ساتھ ہی روہت شرما ٹی ٹوئنٹی کرکٹ سے ریٹائر ہوچکے ہیں، ایسے میں ہاردک پانڈیا سے 2026 کے ٹی ٹوئینٹی ورلڈ کپ کے سلسلے میں روہت کا ممکنہ متبادل ہونے کے بارے میں سوال کیا گیا۔
تاہم ممبئی انڈینز کے کپتان نے اس بات پر چپ رہنے کو ترجیح دی اور صاف جواب دینے سے گریز کیا بلکہ انھو نے بھارتی کپتان روہت اور کوہلی کے بارے میں بات کرنا شروع کردی۔
ہاردک پانڈیا نے کہا کہ 2026 کے لیے ابھی کافی وقت ہے، اس وقت میں روہت اور ویرات دونوں کے لیے بہت خوش ہوں، بھارتی کرکٹ کے دو بڑے لیجنڈ اس کے پوری طرح سے مستحق تھے۔
ٹیم کی سرجری سے متعلق سوال پر شاہین آفریدی کا رد عمل سامنے آگیا
آل راؤنڈر نے کہا کہ دونوں کے ساتھ اتنے سالوں سے کھیلنا بہت شاندار رہا، ہم سب کو یہ یاد آئے گا لیکن اس سے اچھا لمحہ کیا ہوگا کہ ہم دونوں کو اس بہترین انداز میں الوداع کہیں۔
