The news is by your side.

Advertisement

جدہ انٹرنیشنل ایئرپورٹ سے بڑی خبر

جدہ : سعودی حکومت نے مملکت میں آنے اور جانے والے مسافروں کی سہولت کیلئے شاہ عبدالعزیز بین الاقوامی ہوائی اڈے پر کارگو سپورٹ کے لیے اہم فیصلہ کیا ہے۔

اس سلسلے میں سعودی عرب میں شہری ہوابازی کی اتھارٹی نے جدہ کے شاہ عبدالعزیز بین الاقوامی ہوائی اڈے پر “ایئر کارگو ہینڈلنگ” کے لیے سعودی عریبین ایس اے ٹی ایس کمپنی کو لائسنس جاری کر دیا ہے۔

Saudia starts receiving bids for Riyadh, Jeddah cargo terminals: report

یہ اقدام مذکورہ اتھارٹی کی جانب سے فضائی کارگو کی سپورٹ اور لوجسٹک سیکٹر کو مطلوبہ خدمات پیش کرنے سے متعلق منصوبوں کا حصہ ہے، اس کا مقصد مملکت میں فضائی کارگو کی گنجائش کو بڑھا کر 45 لاکھ ٹن تک پہنچانا ہے۔

Saudia Cargo launches 2 new terminal projects - Saudi Gazette

شہری ہوابازی کی اتھارٹی نے یہ لائسنس سیکنڈ آپریٹر کے معاہدے کے تحت جاری کیا ہے، اس معاہدے پر شاہ عبدالعزیز بین الاقوامی ہوائی اڈے میں دستخط کیے گئے تھے۔

ہوابازی کی اتھارٹی کی جانب سے ریونیو اینڈ کمرشل آپریشن کے ڈائریکٹر جنرل سلطان السلطان اور ایس اے ٹی ایس کمپنی کی جانب سے ڈائریکٹر جنرل لی وان کن نے نمائندگی کی ۔ اس موقع پر جدہ ایئرپورٹس کمپنی کے چیف ایگزیکٹو ریان طرابزونی بھی موجود تھے۔

Saudia Cargo achieves pharma GDP certification

سعودی شہری ہوابازی کی اتھارٹی کی جانب سے مقررہ پروگرام کے مطابق تزویراتی اہداف کی تکمیل، عالمی سرمایہ کاروں کو راغب کرنے اور ہوائی اڈوں پر پیش کی جانے والی خدمات کا معیار بلند کرنے کا سفر جاری رہے گا۔

اس کا مقصد مقامی، علاقائی اور بین الاقوامی طور پر بہترین نتائج اور شاندار کامیابیاں حاصل کرنا ہے۔ مزید یہ کہ سعودی عرب ایئر ٹرانسپورٹ اور کارگو کے شعبے میں تین براعظموں کو مربوط کرنے والا عالمی لوجسٹک مرکز بن جائے۔

Comments

یہ بھی پڑھیں