The news is by your side.

Advertisement

جدہ : حوثی حملے کے باوجود تیل کی سپلائی جاری رہی

جدہ : حوثیوں کی جانب سے میزائل حملے جاری ہیں لیکن اس کے باوجود تیل کی لائنوں سے سپلائی کا عمل متاثر نہیں ہوا اور لگنے والی آگ پر فوری قابو پالیا گیا۔

جدہ میں حوثی میزائل حملوں میں آرامکو تنصیبات کو نشانہ بنانے سے تیل کی سپلائی متاثر نہیں ہوئی ہے، اس حوالے سے سرکاری ٹی وی چینل کے مطابق حوثی حملے سے متعدد تیل ٹینکوں میں سے ایک ٹینک متاثر ہوا ہے۔

وزارت توانائی کے اعلیٰ عہدیدار نے کہا ہے کہ جزوی طور پر متاثر ہونے والے ایک ٹینک میں تیل کی مقدار5 لاکھ بیرل تھی۔

اس سے قبل سعودی پریس ایجنسی نے وزارت توانائی کے ذرائع کے حوالے سے کہا تھا کہ حوثیوں کی جانب سے داغے جانے والے میزائل سے کسی قسم کا جانی نقصان نہیں ہوا۔

واضح رہے کہ میزائل حملے سے تیل کی سپلائی لائنوں میں بھڑک اٹھنے والی آگ پر جلد ہی قابو پالیا گیا۔ آرامکو کمپنی نے تیل کی سپلائی لائن کو جلد ہی بحال کر دیا۔

Comments

یہ بھی پڑھیں