جدہ : سعودی وزارت نقل و حمل نے کہا ہے کہ الحمدانیہ، الصالحیہ، الرحمانیہ اور الفلاح محلوں کو جدہ کے مغربی علاقے سے جوڑنے اور پیدل سڑک عبور کرنے کے لیے چار اوورہیڈ برج جلد کھولے جائیں گے۔
اس سلسلے میں بیشتر کام مکمل جاچکا ہے اور کچھ تکمیل کے آخری مراحل میں ہے۔
سعودی ذرائع ابلاغ کے مطابق وزارت نقل و حمل کے ایک عہدیدار نے بتایا کہ ان اوورہیڈ برجون پر رہنما بورڈ اور انتباہی بورڈز نصب کیے جا رہے ہیں۔
سعودی وزارت نقل و حمل کے مطابق جنوبی حرمین روڈ سے مشرقی محلوں تک جانے والا راستہ مکمل کرلیا گیا ہے۔
وزارت نقل و حمل کے عہدیدار نے بتایا کہ مملکت بھر میں روڈز سیکٹر کی لاجسٹک خدمات اور نقل و حمل کی قومی حکمت عملی کے اہداف کی تکمیل کے لیے راستوں کا معیار بہتر بنایا جارہا ہے۔
انہوں نے کہا کہ2030 تک سعودی عرب کو روڈز اسٹینڈرڈ گراف کی فہرست میں چھٹے نمبر پر لانے کا منصوبہ ہے۔
