سعودی عرب کے شہر جدہ اور مکہ مکرمہ میں گرج چمک کے ساتھ موسلادھار بارش ہوئی جس سے نشیبی علاقے زیرِ آب آگئے۔
شدید بارش سے جدہ اور مکہ روڈ پر ٹریفک کا نظام متاثر ہوگیا جبکہ موسم کی ناموافق صورتِ حال کی وجہ سے جدہ ایئرپورٹ پر مسافروں کا غیر معمولی رش ہے۔
بارش کے باعث پروازوں کے عملے کو ایئرپورٹ پہنچنے میں مشکلات پیش ہیں جس سے فلائٹ آپریشن متاثر ہونے کا خدشہ ہے۔
View this post on Instagram
پاکستان ایئر لائن کے ترجمان نے اپنے بیان میں کہا کہ جدہ ایئرپورٹ پر عملہ مسافروں کی راہنمائی کے لیے موجود ہے، مسافروں سے گزارش ہے کہ اپنی فلائٹ کے لیے ایرپورٹ پانچ گھنٹے پہلے پہنچیں تاکہ ٹریفک جام میں نہ پھنسیں۔
ترجمان نے مزید کہا کہ مسافر پی آئی اے کی ہیلپ لائن، جدہ پی آئی اے آفس اور اپنے ٹریول ایجنٹ سے اپنی پرواز کی روانگی کا وقت معلوم کر سکتے ہیں تاکہ مسافروں کو اپنی پرواز کے حوالے سے دشواری کا سامنا نہ کرنا پڑے۔
🔴 Torrential downpour in #Jeddah right now, urban flooding in different localities of the city. pic.twitter.com/uvmJn6VmWz
— PakWeather.com (@Pak_Weather) November 24, 2022