واشگنٹن: دنیا کے امیر ترین افراد کی نئی فہرست سامنے آگئی جس کے مطابق بل گیٹس اب دنیا کے امیر ترین شخصیت نہیں ہیں۔
تفصیلات کے مطابق کل شام تک تو دنیا کے امیر ترین انسان کا اعزاز مائیکرو سافٹ کے بانی بل گیٹس کے پاس تھا لیکن آج ان سے یہ اعزاز چھن گیا اور اب دنیا کے امیر ترین انسان ہونے کا اعزاز ایما زون ڈاٹ کام کے مالک کے نام ہوگیا۔
ایمازون کے مالک جیف بیزوس اب دنیا کے امیر ترین آدمی بن گئے ہیں،ان کے اثاثوں کی مالیت 91 ارب ڈالر تک پہنچ گئی جس کے بعد چار سال تک دنیا کے امیرترین شخصیت بل گٹیس سے یہ اعزاز چھن گیا۔
Jeff Bezos becomes the richest person in the world, surpassing Bill Gates https://t.co/TWyOnDgoNR pic.twitter.com/M0gJfDWkW7
— Forbes (@Forbes) July 27, 2017
ایمازون کے مالک جیف بیزوس کے اثاثوں میں1.8 فیصد اضافہ ہوا ہے اور مارکیٹ میں ان کے شیئرز کی مالیت میں 1071.31 ڈالر اضافہ ہوا ہے جس کے بعد اثاثوں کی مالیت 91 ارب ڈالر تک پہنچ گئی جبکہ چار سال تک دنیا کے امیر ترین شخصیت کا اعزاز اپنے پاس رکھنے والے بل گیٹس کے اثاثوں کی مالیت اس وقت 82 ارب ڈالر ہے۔
