لاہور : پاکستان تحریک انصاف کے سابق جنرل سیکریٹری جہانگیرترین کی ہمشیرہ سیمی ایزدی خواتین نشست پرسینیٹ الیکشن میں حصہ لیں گی، پاکستان تحریک انصاف نے گزشتہ روز سیمی ایزدی کوسینیٹ کاٹکٹ جاری کیا تھا۔
تفصیلات کے مطابق گورنرپنجاب چوہدری سرورسے پاکستان تحریک انصاف کی سینیٹ امیدوارسیمی ایزدی کی ملاقات ہوئی ، ملاقات میں پارلیمانی امور اور سینیٹ انتخابات سے متعلق تبادلہ خیال کیا گیا۔
جہانگیرترین کی ہمشیرہ سیمی ایزدی خواتین نشست پرسینیٹ الیکشن میں حصہ لیں گی۔
گزشتہ روزسینیٹر سعدیہ عباسی کی نااہلی کے باعث خالی ہونے والی سینیٹ کی نشست کے لئے پاکستان تحریک انصاف نے سابق جنرل سیکریٹری جہانگیرترین کی ہمشیرہ سیمی ایزدی کوسینیٹ کا ٹکٹ جاری کیا تھا۔
دوسری جانب الیکشن کمیشن آف پاکستان نے پنجاب سے سینیٹ کی 2 خالی نشستوں پرضمنی الیکشن کیلئے شیڈول جاری کیا تھا ، جس کے مطابق 31 اکتوبر تک کاغذات نامزدگی حاصل اورجمع کرائے جاسکتے ہیں جبکہ امیدواروں کے ناموں کی ابتدائی فہرست یکم نومبرکو جاری ہوگی۔
سینیٹ ضمنی الیکشن کیلئے پولنگ 15 نومبرکوپنجاب اسمبلی میں ہوگی ۔
مزید پڑھیں : سپریم کورٹ نے ن لیگی رہنما سعدیہ عباسی اور ہارون اختر کی سینیٹ رکنیت کالعدم قرار دے دی
واضح رہے کہ رہے سپریم کورٹ نے سعدیہ عباسی کی رکنیت کالعدم قرار دیتے ہوئے موقف اختیار کیا تھا کہ سعدیہ عباسی کاغذات جمع کراتے وقت دہری شہریت کے حامل تھی۔
