لندن : عمران خان کی سابقہ اہلیہ جمائما خان نے کہا ہے کہ 15 سال قبل کی بینک اسٹیٹمنٹ مل گئی ہے جس سے عدالت میں بنی گالہ اراضی خریدنے کے لیے منی ٹریل کوثابت کیا جا سکے گا۔
تفصیلات کے مطابق تحریک انصاف کے سربراہ عمران خان کی سابقہ اہلیہ جمائما خان نااہلی کیس میں اثاثہ جات کی دستاویزات پیش کرنے کے حوالے سے ہمیشہ مدد کرتی آئی ہیں اور اب لندن فلیٹس اور بنی گالہ اراضی کی خرید و فروخت کے حوالے سے اہم ثبوت ثابت ہوانے والے 15 سال پرانی اہم دستاویز ڈھونڈ نکالی ہے جسےعدالت میں بہ طور ثبوت پیش کیا جا ئے گا۔
سماجی رابطے کی ویب سائٹ ٹوئٹر پر تحریر کیے گئے اپنے ایک پیغام میں جمائما خان نے کہا کہ بلآخر 15 سال پرانا بینک اسٹیٹمنٹ مل گیا ہے جس سے عمران خان کی بیان کی گئی منی ٹریل کو درست ثابت کیا جا سکے گا۔
Finally tracked down 15 yr old bank statements to prove Imran Khan money trail/ innocence in court. Now please go after the real crooks…
— Jemima Goldsmith (@Jemima_Khan) June 1, 2017
اپنے پیغام میں جمائما خان کا کہنا تھا کہ عمران خان کی منی ٹریل ثابت ہو چکی ہے لہذا براہ مہربانی اب اصل مجرموں کے پیچھے جائیں اور انہیں قانون کے کٹہرے میں لا کھڑا کریں۔
خیال رہے 3 مئی کو مسلم لیگ (ن) کے رہنما حنیف عباسی کی جانب سے عمران خان کو نااہل قرار دینے کے لیے پٹیشن دائر کی گئی تھی جس میں عمران خان کے اثاثہ جات کے حوالے سے سوالات اٹھائے گئے تھے اور منی ٹریل طلب کی گئی تھی۔
اس حوالے سے عدالت نے عمران خان کے لندن فلیٹس کی فروخت اور بنی گالہ میں خریدی گئی اراضی کے دستاویزات طلب کیے تھے جس کی منی ٹریل میں چند دستاویز کم تھیں جو کہ آج بقول جمائما خان مل گئی ہے جو منی ٹریل کو صاف اور شفاف ثابت کرنے میں مدد گار ثابت ہوگی۔
Truth. https://t.co/COtJe1HOq4
— Jemima Goldsmith (@Jemima_Khan) May 29, 2017
خیال رہے اس سے قبل بھی جمائما خان سوشل میڈیا پرعمران خان کی حمایت کرتی آئی ہیں اور لندن فلیٹ کی فروخت اور بنی گالہ اراضی کی خریداری کے حوالے سے عمران خان کے بتائے گئے منی ٹریل کو درست قرار دیتی رہیں.
