لندن: جمائما گولڈ اسمتھ نے اپنی فلم ’واٹس لو گوٹ ٹو ڈو ود اٹ‘ کی خصوصی اسکرینگ کی آمدنی پاکستانی سیلاب متاثرین کے نام کرنے کا اعلان کر دیا۔
جمائما گولڈ اسمتھ پاکستان تحریک انصاف کے چیئرمین عمران خان کی سابق اہلیہ ہیں۔ بہت جلد ان کی ہدایت کاری میں بننے والی فلم ’واٹس لو گوٹ ٹو ڈو ود اٹ‘ ریلیز ہوگی جس میں سجل علی کو مرکزی کردار دیا گیا ہے۔
مزید پڑھیں: سجل علی نے جمائما کی فلم سے اپنی پہلی جھلک شیئر کردی
انہوں نے گزشتہ روز ٹوئٹ کیا کہ ’واٹس لو گوٹ ٹو ڈو ود اٹ‘ کی خصوصی اسکرینگ کے لیے نیلامی ہوگی اور اس سے ہونے والی آمدنی پاکستان کے سیلاب متاثرین کو دی جائے گی۔
In aid of Pakistan’s flood victims
🇵🇰🙏🏼🇵🇰🙏🏼
We are auctioning a private screening in London for up to 20 people of our film What's Love Got To Do With It? See you there 💚 https://t.co/BiAmbgvVG2— Jemima Goldsmith (@Jemima_Khan) September 1, 2022
نیلامی میں جیتنے والے کو فلم ریلیز سے قبل خصوصی اسکرینگ پر دکھائی جائے گی جس میں اس کے 20 دوست یا اہل خانہ بھی شرکت کر سکتے ہیں۔
جیتنے والا خصوصی اسکرینگ کے لیے تاریخ اور وقت کا تعین بھی خود کر سکے گا، لیکن یہ سب اسے جنوری 2023 سے پہلے کرنا ہوگا۔
