لندن: وزیراعظم عمران خان کی سابق اہلیہ جمائما گولڈ اسمتھ انگریزی فلم بنانے جارہی ہیں جس میں انہوں نے پاکستانی کو کام کرنے کا موقع فراہم کیا ہے۔
واضح رہے کہ سجل علی اپنے شوہر احد رضا میر کے ساتھ گزشتہ دنوں برطانیہ پہنچیں، جس کے بعد یہ خبریں زیرگردش تھیں کہ وہ ہالی ووڈ کی کسی فلم میں کام کرنے کے لیے لندن گئیں ہیں۔
اداکارہ نے اس معاملے پر خاموشی اختیار کی ہوئی تھی مگر اب جمائما گولڈ اسمتھ جو فلم کی پرڈیوسر ہیں انہوں نے اپنی نئی پروڈکشن کے بارے میں سب کو بتا دیا۔
سماجی رابطے کی ویب سائٹ پر جمائما نے تصاویر شیئر کیں، اُن کی نئی آنے والی ہالی ووڈ فلم ’واٹس لو گاٹ ٹو ڈو وِد اِٹ‘ کی شوٹنگ لندن میں شروع ہوگئی ہے۔
Shabana Azmi and Sajal Ali ⭐️⭐️⭐️⭐️ https://t.co/VtRhojGI9b
— Jemima Goldsmith (@Jemima_Khan) January 15, 2021
انہوں نے بتایا کہ اس فلم میں سجل علی اور بھارتی اداکارہ شبانہ اعظمی کردار ادا کریں گی۔ جمائما نے دونوں کے ناموں کے ساتھ اسٹار کا ایموجی بھی بنایا۔
باز بامگ بوائے کی جانب سے شیئر کردہ ٹویٹ میں بتایا گیا ہے کہ یہ رومانوی اور مزاحیہ فلم ہوگی ۔ اس میں عاصم سی، شیکھر کپور، لِلی جیمز، ایما تھومپسن، شہزاد اور روب برائیڈون بھی اداکاری کرتے نظر آئیں گے۔
Revered artist & activist @AzmiShabana , superstar @Iamsajalali & actor/writer @AsimC86 join @shekharkapur ‘s film What’s Love Got to Do With It? Romantic comedy by @Jemima_Khan starring #LilyJames #EmmaThompson @shazad & @RobBrydon is shooting in Ldn. @Working_Title producing pic.twitter.com/mnxUbf5BCM
— Baz Bamigboye 💙 (@BazBam) January 14, 2021
