جھنگ میں بائی پاس پر آلو سے بھرا ٹرک کار پر الٹ گیا اس افسوسناک حادثے میں دو افراد جاں بحق ہوگئے۔
تفصیلات کے مطابق جھنگ میں ایک افسوسناک واقعہ پیش آیا ہے جہاں ایک لوٖڈ ٹرک کار پر الٹ گیا جس کے نیتجے میں 2 افراد اپنی جان کی بازی ہار گئے۔
ریسکیو حکام کے مطابق حادثہ تیز رفتاری کے باعث پیش آیا، جس کے نتیجے میں ٹرک ڈرائیور سے ٹرک بے قابو ہو کر کار پر الٹ گیا۔
دوسری جانب گھوٹکی میں ایم فائیو موٹر وے پر مسافر کوچ الٹ گئی اس حادثے میں تین افراد جاں بحق اور پندرہ زخمی ہوگئے۔
پولیس حکام کے مطابق افسوسناک حادثہ قاضی واہ نہر کے قریب پیش آیا، زخمیوں میں بچے اور خواتین بھی شامل ہیں، جنہیں اسپتال منتقل کر دیا گیا ہے۔
پولیس نے بتایا کہ حادثہ ڈرائیور کو نیند آنے کے باعث پیش آیا، کوچ پنچاب سے کراچی آرہی تھی۔
