بھارت کی ریاست جھاڑکھنڈ میں ایک قبائلی شخص نے زمین کے تنازعے پرچچا کے بیٹے نے اپنے کزن کا سَر قلم کر دیا اور اس کے دوستوں نے اس کٹے ہوئے سَر کے ساتھ تصویر بنائی ہے۔
بھارتی میڈیا رپورٹ کے مطابق پولیس نے بتایا ہے کہ یہ واقعہ چند دن قبل کھنوتی ضلعے کے علاقے مُرہو میں پیش آیا، واقعے کی ایف آئی آر جمعے کو مقتول کے والد نے درج کرائی تھی جس کے بعد مرکزی ملزم اور اس کی بیوی سمیت چھ افراد کو گرفتار کیا گیا ہے۔
ایف آئی آر میں ایک 55 سالہ شخص نے بتایا کہ یکم دسمبر کو میرا بیٹا کانو مُنڈا اپنے گھر میں اکیلا تھا جبکہ ہم باقی والے کھیتوں میں کام کے لیے گئے ہوئے تھے، گھر واپس آنے پر گاؤں والوں نے بتایا کہ میرے بیٹے کومیرے بھتیجے ساگر مُنڈا نے دوستوں کے ساتھ مل کر اغواء کر لیا ہے۔
والد کا کہنا تھا کہ ہم نے اپنے بیٹے کو ہر جگہ تلاش کر لیا لیکن ہمارا بیٹا نہیں ملا اس لیے اب ایف آئی آر درج کرانےآئے ہیں۔
جس کے بعد اس کیس کی تفتیش کے لیے ایک پولیس ٹیم تشکیل دی گئی جس نے مرکزی ملزم کو گرفتار کر لیا۔
مقامی پولیس اسٹیسشن کے انچارج نے اس حوالے سے بتایا کہ مقتول کا دھڑ جنگل سے جبکہ اس کا سَر 15 کلومیٹرعلاقے سے ملا۔
پولیس آفیسر کے مطابق ملزمان نے کٹے ہوئے سَر کے ساتھ تصویریں بھی بنائی، گرفتار افراد سے مقتول کے فون سمیت پانچ موبائل فونز، دو خون آلود تیز دھار ہتھیار، ایک کلہاڑا اور ایک اسپورٹس گاڑی قبضے میں لی گئی ہے۔
پولیس کے مطابق مقتول اور ملزم کی خاندانوں کے درمیان زمین کا ایک دیرینہ تنازع چلا آ رہا ہے جو اس قتل وجہ بنا۔
