جہلم: پنجاب کے شہر جہلم میں ایک ہوٹل ایک لمحے میں دہشت ناک دھماکے سے تباہ ہو گیا، جس کی فوٹیج سامنے آ گئی ہے۔
تفصیلات کے مطابق جہلم میں جی ٹی روڈ داڑھیاں کے قریب سلنڈر پھٹنے سے 2 منزلہ ہوٹل منہدم ہو گئی ہے، واقعے کی ایک سی سی ٹی وی فوٹیج سامنے آ گئی ہے، جسے دیکھ کر دل دہل جاتا ہے۔
فوٹیج میں دیکھا جا سکتا ہے کہ آن کی آن میں ہوٹل اس طرح دھماکے سے تباہ ہو گیا جیسے اسے کسی طاقت ور دھماکا خیز مواد سے اڑا دیا گیا ہو۔ اس حادثے میں 5 افراد جاں بحق ہو گئے ہیں، اور کئی زخمی نازک حالت میں اسپتال میں زیر علاج ہیں۔
ہوٹل کے مقام پر ریسکیو آپریشن جاری ہے، اور بھاری مشینری سے ملبہ ہٹایا جا رہا ہے، جب کہ پچھلے 3 گھنٹوں سے جی ٹی روڈ پر ٹریفک کی روانی بھی متاثر ہے۔
جہلم میں سکندر ہوٹل میں سلنڈر دھماکہ، تین منزلہ عمارت منہدم ،پچیس سے زائد افراد کے ملبے تلے دبنے کی اطلاعات، تین افراد جاں بحق، 11 افراد کو نکال کر سول اسپتال منتقل کردیا گیا،ریسکیو آپریشن جاری pic.twitter.com/XwrmdKSgwP
— Jhelum Updates (@JhelumUpdates) July 9, 2023
