جماعت اسلامی پاکستان کے امیر لیاقت بلوچ نے کہا ہے کہ حکومت بلیک میل ہو رہی ہے اسے متنازع آئینی ترامیمی بل واپس لینا چاہیے۔
اے آر وائی نیوز کے مطابق لاہور میں جماعت اسلامی کے مرکز منصورہ سے جاری بیان میں نائب امیر جماعت اسلامی پاکستان لیاقت بلوچ نے کہا ہے کہ یہ حقیقت ہے کہ حکومت کے پاس دو تہائی اکثریت نہیں ہے۔ انا، ضد، مفادات پر مبنی آئینی ترامیم دستور پاکستان کو صرف متنازع ہی بنائے گی۔
لیاقت بلوچ نے مزید کہا کہ حکومت اس معاملے پر بلیک میل ہو رہی ہے، اس لیے وہ آئینی ترمیمی بل واپس لے اور نئے چیف جسٹس آف پاکستان کا تقرر کر دے۔ اسٹیبلشمنٹ اور قومی قیادت قومی بحران کا بلا تاخیر حل تلاش کرے۔
ان کا کہنا تھا وزیراعظم عالمی محاذپر سرگرمی کی طرح سیاسی بحران کا خاتمہ بھی کریں۔ فلسطین اور کشمیر کے مسئلے کے حل کو اپنی ترجیحات میں شامل رکھے۔
نائب امیر جماعت اسلامی نے کہا کہ گوادر ایئرپورٹ کی غائبانہ افتتاحی تقریب کو حکومت کی کمزوری اور بزدلی ہے۔