کراچی: جماعت اسلامی کی جانب سے شہر میں پانی کی عدم فراہمی پرآج 15 مقامات پر احتجاج کا اعلان کیا گیا ہے۔
اے آر وائی نیوز کے مطابق جماعت اسلامی کی جانب سے مرکزی احتجاجی مظاہرہ برنس روڈ پر کیا جائے گا، اس کے علاوہ شارع فیصل پر بھی پانی کی عدم فراہمی پر احتجاج کا اعلان کیا گیا ہے۔
جماعت اسلامی کی جانب سے کالا پل، کورنگی کراسنگ، مین نیشنل ہائی وے، ناظم آباد نمبر7، مین سپرہائی وے، پاور ہاؤس چورنگی، اورنگی 5 نمبر، بنارس چوک، واٹرپمپ، حب ریور روڈ اور جوہر موڑ پر بھی احتجاج کا اعلان کیا گیا ہے۔
واضح رہے کہ گزشتہ روز ترجمان واٹر کارپوریشن کا بیان سامنے آیا تھا کہ یونیورسٹی روڈ پر 84 انچ کی لائن کی مرمت کے بعد پانی کی سپلائی بحال کر دی گئی ہے اور آج رات سے متاثرہ علاقوں میں باقاعدہ پانی ملنا شروع ہو جائے گا۔
ترجمان واٹر کارپوریشن کے مطابق متاثرہ علاقوں میں پانی کی سپلائی تیزی سے جاری ہے۔ واٹر کارپوریشن کے 12 پمپنگ اسٹیشنوں پرپانی کی بحالی شروع کر دی گئی ہے۔
کراچی کے شہری پانی کا سرکاری ٹینکر کیسے بُک کروا سکتے ہیں
ترجمان نے بتایا کہ ناظم آباد اور گلشن اقبال کی لائنوں میں بھی پانی آنا شروع ہو جائیگا۔ کلفٹن، ڈیفنس، اولڈ سٹی ایریا لیاری، خداداد کالونی، پی ای سی ایچ ایس سوسائٹی، لیاقت آباد میں پانی سپلائی شروع ہو گئی ہے۔
