فیصل آباد : کرپشن مٹاؤ مہم کے تحت جماعت اسلامی کے جلسے میں کارکنوں اور پولیس کے ساتھ تصادم ہوا ہے،کارکنان نے ڈی ایس پی کو دھکے مار کر اسٹیج سے اتار دیا۔
تفصیلات کے مطابق جماعت اسلامی کا فیصل آباد میں کرپشن کے خلاف ہونے والے جلسے میں کارکنان نے پولیس اہلکارں کے ساتھ بدتمیزی کی اور ڈی ایس پی سمیت پولیس اہلکاروں کو دھکے مار مار کر اسٹیج سے نیچے اتار دیا۔
اے آر وائی کے رپورٹر جماعت اسلامی جلسے میں کارکنان نے معمولی تنازع کے بعد پولیس اہلکاروں کو زدوکوب کیا اور جب ڈی ایس پی معاملہ سلجھانے اسٹیج پر گئے تو کارکنان نے ڈی ایس پی پر دھاوا بول دیا اور پر دھاوا بول دیا اور اسٹیج سے دھکے مار کر اتار دیا۔
پولیس ذرائع کا کہنا ہے کہ پولیس نے جلسہ گاہ سے ایک مسلح شخص کو حراست میں لیا تھا جس کے بعد جماعت اسلامی کے کارکنوں نے ڈی ایس پی کو دھکے دیے اور اہلکاروں کو زدوکوب کیا جس سے ڈی ایس پی گلبرگ کی وردی بھی پھٹ گئی۔
