The news is by your side.

Advertisement

بڑی کامیابی ، پاکستان میں کورونا کےعلاج کیلیے کل سے پلازمہ تھراپی کا فیصلہ

کراچی: جناح اسپتال میں کورونا کےعلاج کے لیے کل سے پلازمہ تھراپی کا فیصلہ کرلیا گیا، ماہر امراض خون ڈاکٹر طاہرشمسی نے کہا کہ جناح اسپتال کراچی میں پہلی بار کلینکل ٹرائل شروع کررہا ہے، کوویڈ کے ایک مریض کو 4 گھنٹے میں پلازمہ لگادیا جائے گا۔

تفصیلات کے مطابق کراچی کے جناح اسپتال میں کوروناکےعلاج کے لیے کل سے پلازمہ تھراپی کا فیصلہ کرلیا گیا جبکہ چند دن میں پلازما پیسیو امیونائزیشن تھراپی شروع کردی جائے گی۔

اس حوالے سے جناح اسپتال اوراین آئی بی ڈی کےدرمیان مفاہمت کی یادداشت پردستخط کئے گئے ، جناح اسپتال کی سیمی جمالی جبکہ این آئی بی ڈی کے طاہر شمسی نے دستخط کیے۔

جناح اسپتال میں پلازمہ تھراپی پر2ڈکٹروں کو فوکل پرسن مقررکردیاگیا ہے جبکہ جناح اسپتال کی سربراہ سیمی جمالی پلازمہ تھراپی کی نگران ہوں گی۔

ماہر امراض خون ڈاکٹر طاہرشمسی نے کہا کہ خوشی ہےاین آئی بی ڈی کو کوویڈ19کے علاج کے لیے مقرر کیا گیاہے، جناح اسپتال کراچی میں پہلی بار کلینکل ٹرائل شروع کررہا ہے۔

ڈاکٹر طاہرشمسی نے بتایا کہ کوویڈ کے ایک مریض کو 4 گھنٹے میں پلازمہ لگادیا جائے گا ، انشااللہ 2 سے4 دن میں مریض میں بہتری آنا شروع ہوجائے گی۔

بعد ازاں این آئی بی ڈی کے سربراہ ڈاکٹر طاہر شمسی جناح اسپتال پہنچے اور جناح اسپتال کی ایگزیکٹو ڈایریکٹرڈاکٹر سیمی جمالی سے ملاقات کی ، ملاقات میں پیسو ایمونائزیشن کےحوالے سےمختلف امور پرتبادلہ خیال کیا گیا ، محکمہ صحت سندھ کو پیش رفت سے مکمل آگاہ اور منظوری لی جائے گی۔

Comments

یہ بھی پڑھیں