The news is by your side.

Advertisement

جناح اسپتال کے میڈیکل بورڈ کی نوازشریف کی انجیو گرافی کی تجویز

لاہور : جناح اسپتال کے میڈیکل بورڈ نے نوازشریف کی انجیو گرافی کی تجویز کردی ہے اور سفارشات محکمہ داخلہ کو بھجوا دیں ہیں، ذاتی معالج ڈاکٹر عدنان کا کہنا ہے کہ نوازشریف کو جلد علاج کی ضرورت ہے۔

تفصیلات کے مطابق سابق وزیراعظم نواز شریف کی جناح اسپتال منتقلی کا آج پانچواں روز ہے، جناح اسپتال کے 6رکنی بورڈ نے سفارشات محکمہ داخلہ کو بھجوا دیں ہیں ، سفارشات میں میاں نواز شریف کی انجیو گرافی کرنے کی تجویز دی گئی ہے۔

پی آئی سی کےمیڈیکل بورڈ نےانجیو گرافی نہ کرانے کی تجویز دی تھی۔

نوازشریف دل کے مرض میں مبتلا ہیں، انہیں جلد علاج کی ضرورت ہے، ڈاکٹر عدنان


دوسری جانب سابق وزیر اعظم نواز شریف کے ذاتی معالج ڈاکٹر عدنان کا کہنا ہے کہ پی آئی سی اور سروسز ہسپتال کی رپورٹس میں بھی انجیوگرافی تجویز کی گئی تھی، دو جنوری کو پی آئی سی نے تمام ٹیسٹ کے بعد تجویز کیا تھا کہ نوازشریف دل کے مرض میں مبتلا ہیں۔ انہیں جلد علاج کی ضرورت ہے۔

ان کا کہنا تھا کہ نواز شریف کو میڈیکل بورڈ کی انجیوگرافی کی کاپی ابھی تک موصول نہیں ہوئی، جب تک انجیوگرافی کی تفصیلات نہیں ملیں گی، اس وقت تک حتمی طور پر کچھ نہیں کہہ سکتے۔

یاد رہے 15 فروری کوسابق وزیراعظم نوازشریف کو طبی معائنے کے لیے کوٹ لکھپت جیل سے جناح اسپتال منتقل کیا گیا تھا ، جہاں ان کے ٹیسٹ کئے گئے ، جس کے بعد ایم ایس جناح اسپتال کا کہنا تھا نوازشریف کی شوگراوربلڈ پریشرکنٹرول میں ہے، شوگراوربلڈپریشرکی پہلے سے جاری دوائیں ہی استعمال کی جائیں گی۔

مزید پڑھیں:  نواز شریف کو کوئی خطرناک بیماری نہیں: ڈاکٹر عارف تجمل

میڈیکل بورڈ کے سربراہ پروفیسر عارف تجمل نے کہا تھا کہ نواز شریف کو کوئی خطرناک بیماری نہیں، علاج کی ضرورت ہے، رپورٹ جیل حکام کو بھجوا دی ہے، پاکستان بالخصوص جناح اسپتال میں ہر قسم کے علاج کی سہولت موجود ہے۔

Comments

comments

یہ بھی پڑھیں