جناح اسپتال کے پیرا میڈیکل اسٹاف کا احتجاج، مریض در بدرہوگئے -
The news is by your side.

Advertisement

جناح اسپتال کے پیرا میڈیکل اسٹاف کا احتجاج، مریض در بدرہوگئے

کراچی : ہیلتھ الاؤنس اور دیگر مراعات نہ ملنے کیخلاف جناح اسپتال کے پیرامیڈیکل اسٹاف نے احتجاج کرتے ہوئے او پی ڈی سروس معطل کردی جس کے باعث مریضوں کو شدید مشکلات کا سامنا کرنا پڑ رہا ہے۔

تفصیلات کے مطابق جناح اسپتال کے پیرامیڈیکل اسٹاف نے ہیلتھ الاؤنس اور دیگر مراعات نہ ملنے کیخلاف بھرپور احتجاج کرتے ہوئے اسپتال میں او پی ڈی سروس بند کردی جس کی وجہ سے مریضوں کو شدید مشکلات کا سامنا کرنا پڑ رہا ہے۔

متعدد آپریشن بھی التوا کا شکارہیں،  ملازمین کا کہنا ہے کہ  سندھ حکومت کی جانب سے ہیلتھ الاؤنس جاری کرنے تک احتجاج جاری رہے گا۔

ان کا کہنا ہے کہ ہیلتھ الاؤنس کی عدم ادائیگی کے خلاف احتجاج جاری رکھیں گے، جوائنٹ ایکشن کمیٹی کے عہدیدارانور خان نے بتایا کہ حکومت کو دو مرتبہ ڈیڈ لائن دی اور حکومت نے وعدے کئے لیکن عمل نہیں کیا۔

حکومت کی دی گئی ایک ماہ کی ختم ہوگئی اس لئے احتجاج پر مجبور ہوئے ہیں۔

Comments

comments

یہ بھی پڑھیں