لاہور : نومئی کے موقع پر لاہور میں جناح ہاؤس (کور کمانڈر ہاؤس) پر پر حملہ کرنے والے 50 فیصد ملزمان آج تک آزاد گھوم رہے ہیں جن میں حملے کے مرکزی کردار بھی شامل ہیں۔
تفصیلات کے مطابق نومئی کے سانحے کو 2ماہ گزرنے کے باوجود جناح ہاؤس حملے کے مرکزی کرداروں سمیت50فیصد ملزمان تاحال گرفتار نہ ہوسکے۔
اس حوالے سے لاہور پولیس ریکارڈ کے مطابق اب تک جناح ہاؤس کے اندر توڑ پھوڑ کرنے والے صرف 151 ملزمان کو گرفتار کیا جاسکا جبکہ جناح ہاؤس کے باہر ہنگامہ آرائی کرنے والے1400 ملزمان میں صرف 425 کو گرفتار کیا جاسکا۔
پولیس ریکارڈ کے مطابق جناح ہاؤس کے اندر حملہ کرنے والے 185ملزمان تاحال نامعلوم ہیں، جناح ہاؤس کے باہر ہنگامہ آرائی کرنے والے 915 ملزمان کو تاحال شناخت کیا جاسکا۔
اب تک صرف جناح ہاؤس کے اندر حملہ کرنے والے 38فیصد ملزمان گرفتار ہوسکے اور جناح ہاؤس کےباہر حملہ کرنے والے صرف 30 فیصد ملزمان گرفتار کیے جاسکے ہیں۔
جناح ہاؤس کے مرکزی ملزمان میں حماد اظہر،زبیر نیازی، حسان نیازی سمیت دیگر گرفتار نہ ہوئے، جناح ہاؤس حملے کے 28ملزمان کے ٹرائل ملٹری کورٹ میں بھجوائے جاچکے ہیں۔
