لاہور : پولیس نے نو مئی کو جناح ہاؤس کے اندر اور باہر موجود تین سو سے زائد خواتین کی فہرست تیار کرلی ، صوبائی حکومت سے منظوری کے بعد گرفتاری شروع کی جائے گی۔
تفصیلات کے مطابق لاہور پولیس نے نومئی کے واقعے میں ملوث تین سو سے زائد خواتین کی فہرست تیار کرلی، ذرائع کا کہنا ہے کہ اس فہرست میں شامل خواتین نو مئی کو جناح ہاؤس کے اندر اور باہر موجود تھیں۔
ذرائع نے کہا کہ فہرست ٹیکنیکل اور انٹیلی جنس ذرائع سے تیار کی گئی ہے، پنجاب حکومت سے منظوری کے بعد گرفتاری کا سلسلہ شروع کیا جائے گا۔
پنجاب حکومت نے اپنی حکمت عملی کو مخصوص افسران تک محدود رکھنے کا فیصلہ کیا ہے،اس سلسلے میں وزیراعلیٰ پنجاب نے آج رات اس سلسلے میں اعلیٰ سطح کا اجلاس طلب کررکھاہے۔
ذرائع نے بتایا ہے کہ وزیراعلیٰ سمیت الیکشن کمیشن ودیگر حکام کو کچھ دیر میں اہم بریفنگ دی جائے گی ، بریفنگ میں ایک سیاسی جماعت سے متعلق اہم شواہدبھی حوالے کئےجائیں گے۔
