میئر کراچی وسیم اختر سے تحقیقات کے لیے جے آئی ٹی ٹیم کی تشکیل -
The news is by your side.

Advertisement

میئر کراچی وسیم اختر سے تحقیقات کے لیے جے آئی ٹی ٹیم کی تشکیل

کراچی : کراچی کے نومنتخب اسیر میئرسے 12 مئی سمیت دیگر مقدمات میں تحقیقات کے لیے جوائنٹ انویسٹی گیشن ٹیم مقرر کردی گئی ہے۔

ذرائع کے مطابق صوبائی وزارت داخلہ نے سینٹرل جیل میں قید نو منتخب میئر کراچی وسیم اخترسے مختلف مقدمات میں تحقیقات کے لیے جوئنٹ انویسٹی گیشن ٹیم کا قیام عمل میں لانے کا فیصلہ کرلیا گیا ہے۔

اعلامیہ کے مطابق جے آئی ٹیم میں آئی ایس آئی،ایم آئی،آئی بی اوررینجرز کے اعلیٰ افسران سمیت اسپیشل برانچ اور سی ٹی ڈی کے نمائندے بھی شامل ہوں گے جس کے آئی جی بہترین ایس ایس لیول کے افسران کا تعین کریں گے۔

جوائنٹ انویسٹی گیشن کمیٹی نومنتخب میئرکراچی سے پوچھ گچھ کرکے سات روز میں رپورٹ پیش کرے گی ٹیم کی سربراہی ایس ایس پی سطح کا افسرکرے گا۔

واضح رہے نو منتخب میئر کراچی اور سابق وزیر داخلہ سندھ سید وسیم اخترپرسانحہ بارہ مئی کے قتل عام میں ملوث ہونے کا الزام ہے اس کے علاوہ بانی ایم کیوایم کی تقریروں میں معاونت اور ڈاکٹر عاصم کو دہشت گردوں کے علاج معالجے کروانے کے مقدمات کا بھی سامنا ہے۔

دوسری جانب وزرات داخلہ کراچی کے مسائل کے حل کے لیے میئرکراچی کی پیرول پررہائی کے حوالے سے بھی قانونی مشاورت کی تھی۔

Comments

comments

یہ بھی پڑھیں