تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

اتحاد ایئر ویز میں 1 ہزار ملازمتوں کا اعلان

ابو ظہبی: متحدہ عرب امارات کی دوسری قومی ایئر لائن اتحاد ایئر ویز نے 1 ہزار نئی ملازمتوں کا اعلان کیا ہے۔

بین الاقوامی ویب سائٹ کے مطابق اتحاد ایئر ویز کو اپنے کیبن کریو میں ایک ہزار نئے افراد کی ضرورت ہے جس کے لیے ایئر لائن نے اپنی ویب سائٹ پر اشتہار جاری کردیا ہے۔

کووڈ 19 کی وبا کے دوران مالی مشکلات کی وجہ سے اتحاد ایئر ویز نے سینکڑوں ملازمین کو فارغ کردیا تھا تاہم اب ادارے کا کہنا ہے کہ وبا میں کمی کے باعث ان کے کاروبار میں بتدریج اضافہ ہورہا ہے لہٰذا انہیں مزید عملہ درکار ہے۔

نئی ملازمتوں کے لیے لوگ مشرق وسطیٰ اور یورپ کے 10 مختلف شہروں سے لیے جائیں گے۔

ایئر لائن کے ترجمان کا کہنا ہے کہ منتخب کردہ امیداروں کو ایک جامع تربیتی پروگرام کروایا جائے گا جس کے بعد ان کی ملازمت کا آغاز ہوگا۔

ترجمان کے مطابق اتحاد کے کیبن کریو کو ٹیکس فری آمدنی، کمپنی میڈیکل انشورنس، رعایتی سفری سہولیات، ٹرانسپورٹ، ادارے کی جانب سے ابو ظہبی میں مکمل فرنشڈ رہائش، اور ابو ظہبی میں کھانے پینے اور مختلف تفریحی سرگرمیوں پر رعایت حاصل ہوتی ہے۔

Comments

- Advertisement -