امریکی صدر جوبائیڈن کی ریاست جارجیا کا معرکہ جیتنے کے بعد دوبارہ ڈیموکریٹ صدارتی امیدوار بننے کی راہ ہموار ہوگئی۔
بین الاقوامی خبر رساں ادارے کی رپورٹ کے مطابق امریکی صدرجوبائیڈن کے حاصل ووٹوں کی تعداد انیس سو اڑسٹھ سے بھی زیادہ ہوگئی ہے، اس طرح انہوں نے امیدوار نامزد ہونے کے لیے درکار ڈیلگیٹس کی حمایت حاصل کرلی ہے۔
سابق امریکی صدر ڈونلڈ ٹرمپ کو فی الوقت گیارہ سو اکیاسی ڈیلی گیٹس کی حمایت حاصل ہے اور امکان ظاہر کیا جارہا ہے کہ وہ بھی درکار 1215 ڈیلی گیٹس کی حمایت حاصل کرنے میں کامیاب ہوجائیں گے۔
یاد رہے کہ امریکا میں صدارتی الیکشن نومبر میں ہوگا جس میں ایک بار پھر جوبائیڈن کا مقابلہ سابق امریکی صدر سے ہوگا۔
دوسری جانب مسلمانوں کے مقدس مہینے رمضان کے حوالے سے پیغام میں امریکی وزیر خارجہ نے غزہ میں ”کم از کم چھ ہفتوں کے لیے فوری اور پائیدار جنگ بندی”کا مطالبہ کیا۔
اسرائیلی فوج کا طبی عملے سے ناروا سلوک، برطانیہ کا سخت رد عمل
انہوں نے کہا کہ غزہ میں انسانی صورتحال دل دہلا دینے والی ہے جیسا کہ ہم غزہ کو اضافی امداد پہنچاتے ہیں، ہم یرغمالیوں کو رہا کرنے والے معاہدے کے حصے کے طور پر کم از کم چھ ہفتوں کے لیے فوری اور پائیدار جنگ بندی کے لیے بلا روک ٹوک کام کرتے رہیں گے۔
