امریکی صدر جو بائیڈن کا کہنا ہے کہ نہیں جانتے کہ بشارالاسد کہاں ہیں، سنا ہے وہ ماسکو میں ہیں، بشار الاسد کو جوابدہ ہونا چاہیے۔
وائٹ ہاؤس میں خطاب کرتے ہوئے امریکی صدر جو بائیڈن کا کہنا تھا کہ آخر کار شام میں بشار الاسد حکومت کا خاتمہ ہوگیا، سنا ہے وہ ماسکو میں ہیں۔
امریکی صدر نے کہا کہ روس، ایران اور حزب اللہ شامی حکومت کا دفاع کرنے میں ناکام رہے، شام میں پُر خطر اور غیر یقینی صورتحال ہے۔
انہوں نے کہا کہ باغی گروپ کے لیڈر کے بیان کو نوٹ کیا ہے، ان کے قول و فعل کا جائزہ لیں گے، اقتدار کی منتقلی کیلئے شامی گروپوں سے مل کر کام کریں گے۔
امریکی صدر کا کہنا تھا کہ شام کے پڑوسی ممالک کی حمایت کریں گے، شامی شہریوں کے لیے ایک بہتر مستقبل کی تعمیر کے لیے یہ ایک تاریخی موقع ہے، آئندہ دنوں میں علاقائی رہنماؤں سے بات کریں گے اور امریکی حکام بھی بھیجیں گے۔
شام سے روانہ ہونے والا طیارہ گر کر تباہ، بشار الاسد کی موجودگی کی اطلاعات
خیال رہے کہ شام میں اسد خاندان کا پچاس سال سے زائد کا دور اقتدار ختم ہوگیا ہے، دمشق پر باغیوں کا قبضہ کرکے سرکاری ٹی وی،ریڈیو اور وزارتِ دفاع کی عمارتوں کا کنٹرول سنبھال لیا۔
صدر بشار الاسد کی 24 سالہ حکومت ایک ہفتے میں گرگئی، بشار الاسد کی ہلاکت اور گمشدگی کی خبروں کے بعد روسی ذرائع نے بشار الاسد کے ماسکو پہنچنے کا دعویٰ کیا۔
