The news is by your side.

Advertisement

امریکی صدر نے تاریخی بل پر دستخط کردئیے

واشنگٹن: امریکی صدر جوبائیڈن نے ایشیائی نژاد امریکیوں پر تشدد کیخلاف بل پر دستخط کردئیے، بل کو کووڈ 19 ہیٹ کرائمز ایکٹ کانام دیا گیا ہے۔

غیر ملکی میڈیا رپورٹ کے مطابق بل پر دستخط کے موقع پر وائٹ ہاؤس میں نینسی پلوسی سمیت متعدد اراکین کانگریس موجود تھے، بل ایوان نمائندگان سے 62 کےمقابلے میں 364 ووٹوں سےمنظور ہوا تھا جبکہ سینیٹ میں منظوری کا تناسب 94کےمقابلے میں ایک رہا۔

اس موقع پر امریکی صدر بائیڈن کا کہنا تھا کہ ایشیائی امریکیوں سے بد سلوکی غیر امریکی رویہ ہے، بل کےتحت ایشیائی امریکیوں کیخلاف بدسلوکی کاسدباب کیاجائےگا اور قانون نافذ کرنےوالے اداروں کو اس حوالے سےخصوصی فنڈز جاری کیےجائیں گے کیونکہ ہم نفرت اور تعصب کو روکنےکیلئے پرعزم ہیں، امریکا میں نفرت کیلئے کوئی جگہ نہیں ہے۔

یہ بھی پڑھیں: جوبائیڈن نے ٹرمپ کے ایک اور فیصلے کو منسوخ کردیا

امریکی نائب صدر کاملا ہیرس نے اس موقع پر اظہار خیال کرتے ہوئے کہا کہ تاریخی بل منظور کرنے پر اراکین کانگریس کا شکریہ ادا کرتی ہوں،ہماری قوم نے نفرتوں سے نمٹنے کیلئے آج عملی اقدامات کئے۔

Comments

یہ بھی پڑھیں