انگینڈ کرکٹ ٹیم کے جارح مزاج بلے باز جو روٹ نے ٹیسٹ کرکٹ میں اپنے ملک کیلیے اہم سنگ میل عبور کرتے ہوئے نیا ریکارڈ بنا دیا۔
گزشتہ روز زمبابوے کے خلاف ٹیسٹ میچ کے پہلے دن انگلش بلے باز نے اپنا انفرادی طور پر 28 واں رن مکمل کر کے ٹیسٹ کرکٹ میں 13 ہزار رنز کا سنگ میل عبور کرلیا۔
روٹ اس طرح ٹیسٹ کرکٹ میں 13 ہزار رنز مکمل کرنے والے انگلینڈ کے پہلے اور دنیا کے پانچویں بلے باز بن گئے۔
روٹ ٹیسٹ کرکٹ میں تیز ترین 13 ہزار رنز بنانے والے بلے باز بن گئے ہیں، انہوں نے 153 ویں ٹیسٹ میچ میں یہ سنگ میل عبور کیا۔
اس سے قبل ٹیسٹ کرکٹ میں تیز ترین 13 ہزار رنز مکمل کرنے کا ریکارڈ جنوبی افریقہ کے سابق کرکٹر جیک کیلس کے پاس تھا جنہوں نے 159 ٹیسٹ میچز میں یہ کارنامہ سر انجام دیا تھا۔
اس کے علاوہ انڈیا کے راہول ڈریوڈ نے 160، آسٹریلیا کے رکی پونٹنگ نے 162 اور بھارت کے سچن ٹنڈولکر نے 163 ٹیسٹ میچز میں 13 ہزار رنز مکمل کیے تھے۔
واضح رہے کہ انگلینڈ اور زمبابوے کی کرکٹ ٹیمیں 22 سال بعد ٹیسٹ میچ میں آمنے سامنے ہیں، یہ میچ دونوں بورڈز کی رضامندی سے پانچ کے بجائے چار روز تک محدود ہوگا۔
اس سے قبل انگلینڈ ٹیم کے مایہ ناز بلے باز جو روٹ نے پاکستان کے لیجنڈ بلے باز جاوید میانداد کا 31 سال پرانا ٹیسٹ ریکارڈ بھی توڑ دیا تھا۔
انگلش بیٹر نے نیوزی لینڈ کے خلاف 84 رنز کی اننگز کھیلی اور کیوی ٹیم نے 423 رنز سے انگلینڈ کو شکست دی لیکن جو روٹ نے کیوی ٹیم کے خلاف سب سے زیادہ رنز اسکور کرکے جاوید میانداد کا 31 سالہ ٹیسٹ ریکارڈ توڑ دیا تھا۔
کھلاڑیوں کا ٹیم میں انتخاب کس بنیاد پر ہو گا؟ ہیڈ کوچ نے واضح کردیا
انہوں نے نیوزی لینڈ کے خلاف 1925 رنز بنائے ہیں جبکہ جاوید میانداد نے کیوی ٹیم کے خلاف 1919 رنز بنائے تھے۔
