نئی دہلی: طویل عرصے سے ٹیم سے باہر انڈین فاسٹ بولر جوگندر شرما نے کرکٹ سے ریٹائرمنٹ کا اعلان کردیا۔
بھارتی میڈیا رپورٹ کے مطابق جوگندر نے بی سی سی آئی کے سیکریٹری جے شاہ کو لکھے گئے خط میں کہا کہ بھارتی فاسٹ بولر نے لکھا کہ وہ کرکٹ کے تمام فارمیٹ سے ریٹائرمنٹ کا اعلان کرتے ہیں، دو ہزار دو سے دوہزار سترہ تک میری زندگی کا یادگار دور رہا ،مجھے ہندوستانی کرکٹ ٹیم میں کھیلنے کا اعزاز حاصل ہوا۔
Announced retirement from cricket Thanks to each and everyone for your love and support 🙏❤️👍👍 pic.twitter.com/A2G9JJd515
— Joginder Sharma 🇮🇳 (@MJoginderSharma) February 3, 2023
بھارتی فاسٹ بولر کا کیریئر انتہائی مختصر رہا، انہوں نے صرف ایک روزہ اور چار ہی ٹی ٹوئنٹی میچز کھیلے، وہ دوہزار سات میں ٹی ٹوئنٹی ورلڈکپ جیتنے والی بھارتی ٹیم کا حصہ تھے۔
یہ بھی پڑھیں: بھارتی کرکٹر نے اچانک ریٹائرمنٹ کا اعلان کردیا
وہ بھارتی لیگ چنئی سپر کنگز کا حصہ رہے تاہم 2016 اور 17 میں کسی ٹیم نے بھی انہیں خریدنے میں دلچسپی ظاہر نہیں کی۔
جوگندر نے کرونا وبا کے دوران بطور پولیس افسر کافی کام کیا تھا، انٹرنیشنل کرکٹ کونسل (آئی سی سی ) نے بھی ان کے کام کی تعریف کی تھی۔