ہالی وڈ کے جانے مانے اداکار جانی ڈیپ کے حوالےسے خبر سامنے آئی ہے کہ وہ پائریٹس آف کیریبین کے سیکوئل پر کام کررہے ہیں۔
اگر آپ نے ہالی وڈ کی معروف فلمیں جیسے پائریٹس آف کیریبین دیکھی ہیں تو شاید آپ اداکار جانی ڈیپ سے واقف ہوں گے، جونی ڈیپ بچوں میں بھی اپنی شہرت رکھتے ہیں کیونکہ انھوں نے چارلی اینڈ دی چاکلیٹ فیکٹری اور کورپس برائڈ جیسی فلمیں کی ہیں۔
رپورٹ کے مطابق جونی ڈیپ کی آخری سب سے زیادہ کمانے والی فلم 2006 میں آنے والی پائریٹس آف دی کیریبین ہی تھی۔
تاہم پچھلے دو مہینوں سے ہالی وڈ میں قیاس آرائیں کی جارہی ہے کہ اداکار جانی ڈیپ ہالی وڈ میں دوبارہ سے جلوہ بکھیرنے واپس آرہے ہیں، وہ اپنی سب سے مشہور فلم پائریٹس آف دی کیریبین کے سیکوئل کی تیاری کررہے ہیں۔
لیکن ہالی وڈ کی ایک رپورٹ کے مطابق ان خبروں میں کوئی صداقت نہیں ہے، ڈزنی اب پائریٹس آف دی کیریبین پر کام نہیں کررہا ہے، ہالی وڈ میں جاری ہرتالوں کے باعث کسی بھی نئے پروجیکٹ پر کام نہیں کیا جارہا ہے۔
رپورٹ میں بتایا گیا کہ ہالی وڈ میں جاری ہڑتال کی وجہ سے نہ جانی ڈیپ اسکرین پر واپس آ رہے ہیں اور نہ ہی ڈزنی اس فلم کا سیکوئل بنانے جا رہا ہے۔
