معروف ہالی ووڈ اداکار جانی ڈیپ کی سیکیورٹی نے انہیں دی گرینڈ ہوٹل برمنگھم سے باہر نکال دیا، مداح انہیں اس طرح لے جایا جاتا دیکھ کر پریشان ہوگئے۔
معروف ہالی ووڈ اداکار جانی ڈیپ کے مداح اس وقت حیران رہ گئے جب سیکیورٹی نے انہیں دی گرینڈ ہوٹل برمنگھم سے باہر نکال دیا۔
اداکار کی سیکیورٹی ٹیم انہیں مداحوں کے ہجوم سے محفوظ اور دور رکھنے کے لیے ہوٹل سے باہر لے کر گئی تھی۔
اس موقع کی سامنے آنے والی تصاویر میں دیکھا جاسکتا ہے کہ 2 بھاری بھرکم سیکیورٹی اہلکار اداکار کو پکڑ کر ہوٹل سے باہر لے کر جا رہے ہیں تاکہ انہیں مداحوں کے ہجوم سے بچایا جا سکے۔
اداکار نے حال ہی میں اپنی سابقہ اہلیہ کے خلاف 15 ملین ڈالر ہتک عزت کا دعویٰ جیتا ہے جنہوں نے جونی پر تشدد کرنے کے الزامات عائد کیے تھے۔
