بدھ, مئی 29, 2024
اشتہار

جوائنٹ ایکشن کمیٹی کا آزاد کشمیر میں ہڑتال اور احتجاج ختم کرنے کا اعلان

اشتہار

حیرت انگیز

مظفرآباد : جوائنٹ ایکشن کمیٹی نے مطالبات تسلیم ہونے پر آزاد کشمیر میں ہڑتال اور احتجاج ختم کرنے کا اعلان کردیا۔

تفصیلات کے مطابق جوائنٹ ایکشن کمیٹی نے آزاد کشمیر میں ہڑتال اور احتجاج ختم کرنےکااعلان کردیا، حکومت نے اِس سے پہلے مظاہرین کے تمام مطالبات مان لیے تھے۔

عوامی ایکشن کمیٹی نے مشترکہ اجلاس کے بعد اعلامیہ جاری کیا ، جس میں کہا کہ دوران احتجاج جاں بحق3 نوجوانوں کا قصاص ادا کیا جائے۔

- Advertisement -

،اعلامیے میں کہا گیا کہ شہدائے تحریک عوامی حقوق کےنام سےشہداکویادرکھاجائےگا، تمام مقدمات ختم اورگرفتارافرادکورہاکرنےپراتفاق ہوا۔

میرپور، مظفرآباد میں پولیس تشدد کی تحقیقات کیلئےجوڈیشل کمیشن قائم کیاجائے اور جوڈیشل کمیشن کی تحقیقات منظرعام پرلا کر ذمہ داروں کوقرارواقعی سزادی جائے۔

ریاست بھرمیں شٹرڈاؤن3بجے اورپہیہ جام ہڑتال ختم کرنے کا فیصلہ کیا گیا ہے، 3شہادتوں پرریاست بھرمیں آج یوم سوگ اور شٹر ڈاؤن ہڑتال کی جائے گی۔

گذشتہ روز کشمیری حکومت نے عوامی ایکشن کمیٹی کا آٹے کی سبسڈی کامطالبہ منظور کرتے ہوئے آٹے کی قیمت میں فی من 1100روپے کمی کا نوٹیفکیشن جاری کیا تھا۔

جاری نوٹیفکیشن میں کہا گیا تھا کہ 3100 روپے من کے بجائے آٹا 2000 روپے فی من ملے گا۔

کمیٹی کا بجلی کی پیداواری لاگت میں کمی کا مطالبہ بھی منظور کرلیا تھا اور آزادکشمیر حکومت نے بجلی کی قیمتوں میں کمی کا نوٹیفکیشن بھی جاری کیا۔

جس کے مطابق گھریلو صارفین کیلئے 100یونٹ تک 3روپے فی یونٹ ریٹ مقرر کیا گیا جبکہ 101سے300یونٹ تک گھریلوصارفین کیلئے 5روپے اور 300یونٹ سے زیادہ پر 6 روپےریٹ مقرر کیا ہے۔

صنعتی صارفین کیلئے300یونٹ تک بجلی کاریٹ10روپے اور 300سےزائدیونٹس کا ریٹ 15 روپے مقرر کردیا گیا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں