سندھ رینجرز اور پولیس نے کچے کے علاقے میں مشترکہ کارروائی کرتے ہوئے قتل، اقدام قتل، ڈکیتی، اغوا برائے تاوان میں ملوث 21 ملزمان کو گرفتار کر لیا۔
ترجمان رینجرز کے مطابق کارروائی کے دوران بگی گینگ کی پناہ گاہوں کو مسمار کر دیا گیا۔ گرفتار ملزمان مبینہ طور پر ٹیچراللہ رکھیونیندوانی کے قتل اور سہولت کاری میں ملوث ہیں۔
ترجمان کا کہنا ہے کہ گرفتار ملزمان میں مرکزی سہولت کا رامان اللہ، اس کا بیٹا اور مقامی وڈیرہ یار محمد بھی شامل ہیں۔ گرفتار ملزمان کو قانونی کارروائی کیلئے پولیس کےحوالے کر دیا گیا۔
ترجمان رینجرز کا کہنا ہے کہ گینگ کشمور، تنگوانی، کندھ کوٹ میں مجرمانہ سرگرمیوں میں ملوث ہے۔
