The news is by your side.

Advertisement

ابوظہبی کے ولی عہد کا پاکستان کے عوام کی ترقی کیلئے خیرسگالی اور نیک خواہشات کا اظہار

اسلام آباد : وزیراعظم شہباز شریف سے ملاقات میں ابوظہبی کے ولی عہد نے پاکستان کے عوام کی ترقی کیلئے خیرسگالی اور نیک خواہشات کا اظہار کیا۔

تفصیلات کے مطابق وزیراعظم شہبازشریف کی ابوظبی کے ولی عہد سے ملاقات کا مشترکہ اعلامیہ جاری کردیا گیا ، شہباز شریف کی مسلح افواج کے ڈپٹی سپریم کمانڈر شیخ محمد بن زید آل نہیان سے بھی ملاقات کی۔

اعلامیے میں کہا گیا کہ ولی عہد نے شہباز شریف کو وزیراعظم کا منصب سنبھالنے پر مبارکباد دیتے ہوئے پاکستان کے عوام کی ترقی کیلئے خیرسگالی اور نیک خواہشات کا بھی اظہار کیا۔

مشترکہ اعلامیے میں کہا کہ دونوں رہنماؤں نےدوطرفہ،علاقائی،عالمی امورپرتفصیلی مشاورت کی، وزیراعظم نے شیخ زید بن سلطان کی کاوشوں کوخراج عقیدت پیش کیا اور دونوں ممالک کے باہم تعلقات مزید مضبوط بنانے کے عزم کا اظہار کیا۔

وزیراعظم شہبازشریف نے یواے ای کی قیادت اور عوام کیلئے نیک خواہشات کا اظہار کرتے ہوئے دبئی عالمی نمائش کے کامیاب انعقاد پر یو اے ای قیادت کو مبارکباد دی۔

وزیراعظم نے عالمی فورمز پر پاکستان کی دیرینہ اور بھرپورحمایت کوخراج تحسین پیش کرتے ہوئے کورونا عالمی وبا کے دوران یو اے ای کی جانب سے فراہم امداد کو سراہا۔

وزیراعظم نے1.7ملین پاکستانیوں کی میزبانی کرنےپریواےای کا شکریہ ادا کرتے ہوئے کہا یہ پاکستانی نہ صرف پل کاکرداراداکررہےہیں بلکہ ہمارافخربھی ہیں۔

مشترکہ اعلامیے میں کہا گیا کہ سرماریہ کاری، ترقی، توانائی اور زراعت کےشعبوں میں مزیدعزم کااظہار کیا گیا۔

ولی عہد نے برادرانہ تعلقات کومضبوط بنانے کیلئےمؤثرکوشش کا یقین دلایا اور یواےای کی ترقی میں پاکستانیوں کے کردار کا اعتراف کرتے ہوئے کہا دونوں ممالک ہرمشکل گھڑی میں ایک دوسرے کے ساتھ کھڑے رہے ، مستقبل میں بھی ایک دوسرے کی امداد جاری رکھیں گے۔

ولی عہد نے دونوں اقوام کے درمیان رابطوں کی مضبوطی کی اہمیت پر زور دیا جبکہ دونوں رہنماؤں نےعلاقائی اورعالمی اہمیت کےامور پرتبادلہ خیال کیا گیا۔

Comments

یہ بھی پڑھیں